តីតកីឡាករប្រេស៊ីល Walter Casagrande បានរិះគន់យ៉ាងខ្លាំងទៅលើ Neymar បន្ទាប់ពីការបង្ហាញខ្លួនចុងក្រោយឲ្យ Santos ដែលត្រូវបានមើលថាមិនមានឥទ្ធិពលគ្រប់គ្រាន់សម្រាប់ World Cup 2026

Neymar បានរងការរិះគន់យ៉ាងខ្លាំង បន្ទាប់ពីការបង្ហាញខ្លួនចុងក្រោយឲ្យ Santos ដែលត្រូវបានមើលឃើញថាមិនមានឥទ្ធិពលគ្រប់គ្រាន់នៅកម្រិតខ្ពស់ទៀតទេ។

អតីតកីឡាករប្រេស៊ីល Walter Casagrande បានអះអាងថា Neymar បាត់បង់កម្រិតថាមពល និងការប្រកួតប្រជែង ដែលចាំបាច់សម្រាប់បាល់ទាត់កម្រិតកំពូល ហើយថាគាត់ “មិនសមទទួលបានកៅអី World Cup 2026” ទេ។

គាត់បានយកការប្រកួតដ៏អស្ចារ្យរវាង Paris Saint-Germain និង Bayern Munich ជាឧទាហរណ៍ ដោយនិយាយថា បើ Neymar ត្រូវដាក់ចូលក្នុងការប្រកួតកម្រិតនោះ គាត់នឹងមិនអាចបន្តលេងបានទេ។

Casagrande បាននិយាយថា Neymar នឹងដូច “headless chicken” បានន័យថា ដូចមនុស្សវង្វេងលើទីលាន ព្រោះមិនអាចទប់ល្បឿន និងសម្ពាធពីកីឡាករកម្រិតខ្ពស់បានឡើយ។ គាត់បានសង្កត់ថា កម្រិតបច្ចុប្បន្នរបស់ Neymar មិនអាចប្រៀបធៀបជាមួយស្តង់ដារបាល់ទាត់អឺរ៉ុបកំពូលបានទៀតឡើយ។

ទោះជាយ៉ាងណា គាត់ក៏ទទួលស្គាល់ថា ការជ្រើសរើសកីឡាករចូលជម្រើសជាតិជារឿងសិទ្ធិរបស់គ្រូបង្វឹក Carlo Ancelotti ប៉ុន្តែគាត់ជឿថា បើ Neymar ត្រូវបានជ្រើសរើស វានឹងមិនមែនដោយសារសមត្ថភាពបច្ចុប្បន្នទេ។

គាត់ក៏បានយកស្ថិតិការប្រកួតរបស់ Neymar មកបង្ហាញ ដោយចង្អុលបង្ហាញពីការបាត់បង់បាល់ និងការបញ្ជូនខុសជាច្រើន ដែលបង្ហាញថាកម្រិតឥទ្ធិពលរបស់គាត់នៅលើទីលានកំពុងធ្លាក់ចុះ។

ការរិះគន់នេះបានបង្កជាការជជែកយ៉ាងខ្លាំងក្នុងពិភពបាល់ទាត់ថា តើ Neymar នៅតែសមនឹងក្លាយជាផ្នែកមួយនៃជម្រើសជាតិប្រេស៊ីលសម្រាប់ World Cup 2026 ឬអត់។