អ្នកចាំទី André Onana បានបញ្ចប់ការផ្ទេរទៅលីគកំពូលរបស់តួគីជាមួយក្លឹប Trabzonspor
By • 387 views
អ្នកចាំទី André Onana របស់ក្រុមបិសាចក្រហម Manchester United បានបញ្ចប់ការផ្ទេររួចរាល់ទៅកាន់ក្លឹប Trabzonspor របស់ទួរគីជាមួយលក្ខខណ្ឌខ្ចីជើងរយៈពេលវែង។
កីឡាករសញ្ជាតិកាមេរូនរូបនេះបានបាត់បង់ការទុកចិត្តនៅកីឡដ្ឋាន Old Trafford បន្ទាប់ពីមានកំហុសជាបន្តបន្ទាប់ចាប់តាំងពីការផ្ទេរពី Inter ក្នុងតម្លៃ ៤៤ លានផោនកាលពីឆ្នាំ ២០២៣ ។
កីឡាករ Altay Bayindir ត្រូវបានគេមើលឃើញថាបង្ហាញទម្រង់លេងបានល្អជាង Onana សម្រាប់ការបង្ហាញខ្លួនទាំង ៣ ប្រកួតនៅក្នុងលីគឲ្យ Man Utd នៅរដូវកាលនេះ ខណៈដែលក្លឹបថែមទាំងបាននាំចូលអ្នកចាំទីសញ្ជាតិបែលហ្ស៊ិក Senne Lammens នៅថ្ងៃចុងក្រោយនៃរដូវកាលដោះដូរកីឡាករ។
សម្រាប់ការផ្ទេររបស់ Onana គឺមិនមានការបង់ប្រាក់ ឬជម្រើសក្នុងការទិញដាច់ត្រូវបានរួមបញ្ចូលនៅក្នុងកិច្ចព្រមព្រៀងនោះទេ ប៉ុន្តែ Trabzonspor នឹងត្រូវរ៉ាប់រងទាំងស្រុងទៅលើប្រាក់ឈ្នួលប្រចាំឆ្នាំរបស់កីឡាករវ័យ ២៩ ឆ្នាំរូបនេះ។
Onana បានបង្ហាញខ្លួនចំនួន ១០២ ប្រកួតឲ្យ United ដោយបានឈ្នះពានរង្វាន់ FA Cup ក្នុងរដូវកាលដំបូងរបស់គាត់។
