សង្វៀន XTREME CAMBODIA KUN KHMER វិលត្រឡប់មកវិញ ជាមួយការប្រកួតកក្រើក សប្ដាហ៍ទី ៧១

បន្ទាប់ពីបានខកខានមួយរយៈ ពេលនេះ សង្វៀនប្រដាល់គុនខ្មែរអន្តរជាតិ XTREME CAMBODIA KUN KHMER បានវិលត្រឡប់មកវិញជាផ្លូវការ ជាមួយគូប្រកួតដ៏កក្រើក និងមានគុណភាពខ្ពស់ សម្រាប់ សប្ដាហ៍ទី ៧១ ដែលរំពឹងថានឹងទាក់ទាញការចាប់អារម្មណ៍ពីអ្នកគាំទ្រកីឡាប្រដាល់គុនខ្មែរយ៉ាងច្រើន។

អ្នកគាំទ្រអាចរង់ចាំទស្សនា និងចូលរួមទស្សនាផ្ទាល់ដោយសេរី នៅ ថ្ងៃសៅរ៍ ទី១០ ខែមករា ឆ្នាំ២០២៦ នៅ សង្វៀន VIP ម៉ាស៊ីនត្រជាក់ ស្ថានីយទូរទស្សន៍ហង្សមាស HDTV (ព្រែកឯង) ដែលមានបរិក្ខារទំនើប និងបរិយាកាសសមស្របសម្រាប់ការទស្សនាការប្រកួត។

លើសពីនេះទៅទៀត កម្មវិធីនេះ ក៏មានការផ្សាយផ្ទាល់មហាពិសេស តាម ទូរទស្សន៍ហង្សមាស HDTV និងប្រព័ន្ធទូរទស្សន៍ផ្កាយរណបឌីជីថលទំនើប DTH UHD តាមប៉ុស្តិ៍ HM Now, HM Kun Khmer និង HM Boxing ដើម្បីឱ្យអ្នកគាំទ្រនៅគ្រប់ទីកន្លែង អាចទស្សនាបានយ៉ាងពេញលេញ។

សូមអញ្ជើញបងប្អូនអ្នកគាំទ្រកីឡាប្រដាល់គុនខ្មែរ មកចូលរួមទស្សនា និងគាំទ្រព្រឹត្តិការណ៍ដ៏សំខាន់នេះ ដើម្បីរួមចំណែកលើកស្ទួយកីឡាប្រពៃណីជាតិ និងបង្កើតបរិយាកាសកក្រើកក្នុងសង្វៀនគុនខ្មែរ។